|
2006-05-18
珍珠走咗,天朗气清TAG： 今日D阳光令人觉得好舒服啊 珍珠将一直笼罩在广州上空的被污染的空气带走了,天空一片蔚蓝 好久都没见过如此湛蓝的天空了,WONDERFUL~! candybaby 发表于14:04:19 | 阅读全文 | 评论 (1) | 引用 (Trackback 0) | 编辑 2006-05-18
最近好中意嘅三首歌TAG：本周劲歌推介
情永落 没错分手了 我有今日 hate myself for loving you so much 明知做戏 等你的汽水喝一半给你加片薄冰 明知做戏 candybaby 发表于14:02:52 | 阅读全文 | 评论 (0) | 引用 (Trackback 0) | 编辑 2006-05-14
24HR HK游TAG： 期待咗今个星期好耐啦,因为可以去HK SHOPPING,但知到咗星期四晚先被告知要响五四表彰大会上为我地系嘅短片做旁述,原计划的HK两日半游就变成24小时HK游啦.今晚返来睇过段片,发现无旁白比有好,SO唔旁述了. 我自己今日先返GZ,妈咪同四小姐听日探埋亲戚再返来.即日行街行得好仓促啊,仲要系HK哩个购物天堂里面,有种好遗憾嘅感觉.不过收获都算OK啦,但系忙中总系有错嘅,YUYU交带落要买嘅嘢,居然响MISSHA个BA嘅影响下买错嘢.唉,失败.BA把口果然经过改造嘅.下次去商店一定要坚定自己立场同戴上耳塞或MP3,千其咪听BA乱UP嘢. 以上系荷兰豆的24HR HK游后感,仅供参考. THE NEXT STATION IS MACAO...... 呵呵 candybaby 发表于03:36:57 | 阅读全文 | 评论 (1) | 引用 (Trackback 0) | 编辑 2006-05-12
今晚终于收到个肯定嘅答复啦TAG： 太好啦,寻晚大飞响学生会群度发嘅料系坚嘎,今晚响辅导员口中证实咗啦 我地系学生会响五四表彰活动入面拿到第一名,即系得到"红旗学生会"称号.证明我嘅牺牲无白费,多谢学生会所有干部,无你地搞嘅活动资料都无哩个第一名;多谢我PARTNER大飞,无你嘅WORD底版,我相信我地本申报资料一定少咗好多色彩,仲有多谢你一直以来的照顾,合作愉快;多谢辅导员比我地嘅意见同建议,否则内容方面好可能有许多欠缺................. MANY THANKS 一切尽在不言中 BUT听讲外语系果边唔满意结果,唔满意我地拿第一,要求重新评分,我地两个系只相差0.07分,难怪外语系咁火滚,我地哩个细系都打赢大系,对方当然觉得好无面啦.不过真理在我地手中,我地光明正大,怕你啊?外语系以为乜奖都系佢地拿系好理所当然,今次真系要比D颜色佢地睇,我地信息系唔系腊鸭亦都唔系垃圾~! candybaby 发表于00:52:38 | 阅读全文 | 评论 (0) | 引用 (Trackback 0) | 编辑 2006-05-06
怀集、梧州&德庆两日游TAG： 5月4-5号，我地高中时代的生物圈以及生物圈以为的三位老友（外加一位亲属）参加咗哩个怀集梧州德庆两日游。今次距离上一次一齐去阳朔成9个月啦，因为有几位朋友仔两个月之后就要去实习啦，SO我地决定再一次组队去旅行，于是就有咗今次两日一夜之旅。 第一日去咗怀集嘅燕岩同世外桃源。其实并唔系好好玩，燕岩系一旧好大嘅岩石，然后入面有个劲大嘅窿，要形成咁嘅天然岩石洞系十分唔简单嘅。燕岩最有意思无非就系有位人兄徒手攀岩，无WIRE吊住，就系赤手赤脚咁爬上岩洞顶，睇到我地心惊惊啊，个岩洞好高好高嘎，好惊佢失足跌落来啊。参观完无聊嘅燕岩之后，我地又来到陶渊明伯伯“笔下”嘅世外桃源，唉，人造嘅，不过的确系桃花源记咁描写，要经过一个岩洞，然后到咗另一边就别有洞天，果度四面环山，环境好正，如果唔系被开发咗做旅游境区，可能真系一直都无人知。个人认为世外桃源最世外桃源嘅系D薰衣草系最正嘅，行得咁辛苦，见到咁多薰衣草，值得~！被一大片紫色包围住嘅感觉真系好好。当然，同法国普罗旺斯仲系有一段距离，起码中国农村同法国农村嘅风格就好唔同，种响哩度嘅薰衣草带住另外一种味道。除咗薰衣草之外，仲有一大片向日葵，可惜太少花同太细朵啦。 当晚，我地来到广西梧州，并响依个十足广州翻版嘅城市借宿一宵。原本来之前就已经借好晒书，LOOK定梧州特产同美食，点知到达时间实在太夜，特产店响我地出动之前已经关晒档，唉。系依度不得不提梧州纸包鸡真系劲好吃，哗，正啊~！有机会一定要试试啊。好遗憾，冰泉豆浆无试到，唔知今朝早餐果D系唔系呢？同我地饮开嘅豆浆唔同感觉，好好饮啊。我地住半山，因为间酒店响白云山上，几OK嘎，可惜去市区唔方便，要服务员帮手叫TAXI。无错，我地住果座山就系叫白云山，话明翻版广州，紧系有D嘢到嘅。我地哩班人都算系唱K狂人，一到咗梧州就周围观察边度有KTV。终于发现咗一间叫昔日情怀嘅KTV，之后就紧系去唱到够啦，GZ咁难包房，梧州又平，房又大，简直系享受啊，70蚊买断钟数，一人10蚊都NO NEED，包果盘，小食，茶水，响GZ边度揾到啊？ 第二日就去咗德庆盘龙峡，有大瀑布睇啊，系几宏伟，同埋行到好攰，脚痛ING。。。 好攰啊，唔写啦，听日到小学同学聚会，YEAH~！久违啦，各位同学仔。 candybaby 发表于00:00:37 | 阅读全文 | 评论 (0) | 引用 (Trackback 0) | 编辑 2006-05-02
专升本TAG： 最近同个F讨论咗好多关于升本嘅嘢 佢话想考广大，我就觉得以我嘅实力绝对考唔到广大，广大计机专业只收30个，我自问唔系计算机狂人，无咁嘅本事，而且我想读翻网络技术，唔想读计机应用，学编程为主会令我英年早逝>_<。 我从读大专果日起就立志考珠海北师大，学费系好贵，阿妈话考到唔通唔比你读咩。最重要系专业同环境真系几对我胃口，上年计机专业收100人，我觉得只要自己肯努力就有机会啦。一年时间可以改边我嘅命运，陈力大说过，对自己的现状不满意的，就用自己的能力去改变。哩句话好深刻好深刻。 今次真系“的”起心肝读书啦，从细到大只有系小学读过名校，真失败。而且两次升学都未试过中第一志愿（好失败哦~）。专升本就只可以填一个志愿，to be or not to be, just my problem。今次好重要，考唔到就要准备失业啦，大个女啦，要争气。其实咁大决心都系因为佢，佢现任GF系佢高中同学，就读于华农，明显地才女一个（哩D情报完全系自己发掘，奉劝各位千祈咪响公众场合乱写嘢同乱发自己张相啊，好容易就可以调查到嘎啦，女人好恐怖嘎，呵呵）。霖起哩个就觉得自己好无用，高考咁简单都考唔到本科，死蠢。虽然读书差唔代表无用，但系文凭系进入社会嘅入场券，连入场券都无，游戏就无你份。今时唔同往日，乜都讲学历，算我彻底地败给学习了。 我个F终于同我同一阵线啦，佢又话考北师大喔，从今以后我地一齐努力，一年后要继续做同学仔。 PS：一个星期前，我问佢拿C++课件，点知校园网再一次出色地失败了，响华工校园网同广外艺校园网之间原来只有5KB/S嘅速度，真系劲快啊。有时仲离谱到得0K，真系晕S啦。于是我就问佢借C++书本啦，今晚约咗出来拿，虽然只系短短两分钟但系都令我唔好意思到极点，因为麻烦到人，原先以为上次初中聚会见过就以后都好难会再见面，点知见佢原来系件好容易嘅事。我地两个住得好近，但系就始终未撞见过，两个字：无缘。ANYWAY，我从头分析过我地真系唔夹嘎，人生观、价值观、世界观都唔同，一直觉得自己系配合佢，完全无the same可言，以前对佢嘅系迷恋，无其他理由可以解释。可以忘记嘅，都已经忘记咗啦，依家觉得好舒服，原来自己放过自己系咁FREE嘎，相信时间可以冲淡一切。（跑题了，快闪~！） candybaby 发表于01:34:14 | 阅读全文 | 评论 (2) | 引用 (Trackback 0) | 编辑 2006-05-02
AZA AZA FIGHTING~！TAG： 发现自己无一个星期可以安安静静，轻轻松松。 讲下最近啦，前个星期就用咗3日练成八荣八耻正气歌。 今个星期就用咗四日完成“优秀学生会”申报材料，星期四晚仲开OT开到三点，电脑排完版已经10点几啦，然后同辅导员、其他三位PARTNER打的过华工正门嘅印刷公司用铜板纸全彩印刷（无错系印刷，普通嘅打印自己学校都搞得掂啦）。我地分团委同学生会本申报材料印刷完，师傅拿出来交货嘅时候，我地嘅心情就如同自己嘅BB降生，开心到不得了，一人揽住一本，唔舍得放手，可惜印一本要大概200蚊左右，无得自己收埋一本做纪念。印完出来时间已经去到1点几啦，辅导员请我地去华农后门吃宵夜，辅导员讲翻佢D陈年旧事，佢都系穷人嘅孩子，辅导员有今日，完全系靠自己，未读完大学就已经帮屋企还咗5万蚊嘅债，掂啊。吃吃下又落大暴雨啦，唔系一般嘅暴啊，去水渠塞咗，搞到脚下边水浸，大家都系揾餐饭仔吃姐，唔使咁坎坷啊嘛。吃完再打的返学校已经3点啦，返到宿舍沐浴更衣之后已经3点半啦，然后先可以训，好彩星期五我无课，否则我已经瓜咗。依家最大嘅愿望就系希望申报成功啦，我地真系经历咗风吹雨打嘎，好辛苦嘎。 最新消息：我地系分团委已经被评为“优秀分团委”，虽然当初系申报“红旗分团委”，拿唔到状元都可以拿榜眼姐，评到就已经好好啦，毕竟得三个名额。 依家就净翻学生会哩边啦，打听过好快可以知结果，希望过到关啦。我需要信心啊，辅导员同院学生会主席都话我无信心，我就觉得自己做得未够好，我可以做得更好嘎。加油！加油！加油！BAXIA~！ candybaby 发表于00:55:46 | 阅读全文 | 评论 (0) | 引用 (Trackback 0) | 编辑 2006-04-22
送上我嘅摄影作品TAG：非专业无厘头摄影专集 首先送上我乡下只牛,好鬼KAWAII嘎佢
然后系家乡特产:咸瓜(虽然个样好核凸,不过用来送粥真系正啊~!)
最后系学校个体育馆
完了... candybaby 发表于02:26:54 | 阅读全文 | 评论 (0) | 引用 (Trackback 0) | 编辑 2006-04-22
CCNA NOTE:子网划分、掩码计算和主机块的计算TAG：网络技术 快D MARK低先 子网划分(subnetting)的优点: candybaby 发表于01:49:15 | 阅读全文 | 评论 (0) | 引用 (Trackback 0) | 编辑 2006-04-21
八荣八耻TAG：八荣八耻 最近好HIT八荣八耻啊 我地学校"先进"到要成为广东第一间高校开展八荣八耻系列活动嘅高校 于是就吸引咗好多传媒记者以及邀请咗省高曾领导来观看 我地搞嘅系八荣八耻合唱比赛,我地全校每个级100人做代表,一共有18 个参赛队伍,即系1800人响三日之内学识唱八荣八耻歌,真系晕到不行.中午午休时间同晚上晚修时间都用来唱歌,唉~~~~~终于比我地练成咗. 我地已经比八荣八耻轰炸咗几日,今晚黑终于都停咗啦,舒服晒~~~! 知道系边八荣八耻吗?唔知?!LOOK下边啦 以热爱祖国为荣，以危害祖国为耻， 经过三日嘅训练,八荣八耻永远铭记于心啦>_< candybaby 发表于01:01:08 | 阅读全文 | 评论 (0) | 引用 (Trackback 0) | 编辑 分页共6页 1 2 3 4 5 6 下一页 最后一页 |
 |
