|
2006-04-16
GRACETAG：本周劲歌推介 本周劲歌推介 来自李秀英嘅《GRACE》 哩首系我近期最爱，绝对好听 不过当初听哩只歌唔系为咗好听，而系为咗MTV入边个男主角李俊基 李俊基个样仲靓过女人，我晕啦，边有得咁嘎？！ 后来发现只歌越听越好听，于是就不断响我个MP3里面REPEAT再REPEAT啦 李秀英系乜水？佢系韩国实力派歌手，听唱功就知啦，睇埋个真人就更加决定佢系实力派，虽然唔算丑，但比起靠样吃饭果D就差得远咗小小。 《GRACE》一共有两个MTV，再加个《SECRET》MTV就系一个韩式爱情故事。我睇咗N次先真正领会到故事内容，依个系李秀英嘅MTV一大特点，之前《LALALA》个MTV又系好复杂兼有后续，我晕，不过个哩个IDEA几好，我中意。 好啦，唔费话啦，即刻送上劲美丽嘅JUNKI同由BAIDU提供嘅LINK。 唔准讲唔好听嘎
candybaby 发表于03:44:37 | 阅读全文 | 评论 (0) | 引用 (Trackback 0) | 编辑 2006-04-16
我最喜爱的韩国女明星TAG： 对韩国嘅女明星一向嘅评价都系靓，９９％都整过容，唔靓就假啦 所以无话对边个特别有兴趣 但系自从金泰熙嘅出现就令我觉得韩国仲系有１％嘅天然美女，所以特别中意佢 ＬＧ最近推出咗一款新手机－－i chocolate you 叫我巧克力 最新吸引我嘅系个广告，因为系金泰熙代言，代言人特别能引起我嘅注意，靓，真系与别不同嘅靓．今日响公园前地铁站见到哩款手机嘅平面广告，哗，睇到我唔舍得走．今次嘅代言人有两个，两个基本点除咗泰熙之外仲有玄彬，如果唔系同学话比我知果个系玄彬我都唔知系佢，佢哩个ＬＯＯＫ同三顺入面个ＬＯＯＫ差好远啊，广告入面嘅佢好ＭＡＮ，同泰熙好衬啊，ＰＥＲＦＥＣＴ～！ 到咗最后终于认真研究部手机啦，睇完测评，发现自己爱上咗佢添，估计哩部手机３５００－４０００不等，好鬼正啊，当堂令我部三星失色啊，以前响我心目中佢系最正，依家已经比＂叫我巧克力＂夺去我芳心啦，５５５５５５５５５５５５，点解要比我见到你？讨厌～！ ＢＹ ＴＨＥ ＷＡＹ，资料显示金泰熙无整过容，但佢自己话有整过牙，靓啊．佢细佬都系明星，而且几靓仔，主要作品有＜天国的阶梯＞同＜白雪公主＞．第一次接触泰熙系＜天国的阶梯＞，我心霖点解会由个咁靓女嘅扮衰人？韩剧入面嘅衰人通常都比女主角样衰，ＢＵＴ哩出戏例外．第二次就系到＜爱在哈佛＞啦，今次坐正，做女主角，角色好适合佢．因为佢本来就系个才女，就读首尔大学（在韩国地位相当于北京大学，而且世界排名比清华北大要前）唉唉，世间少有啊～～～～～有美貌有智慧，会唔会好短命呢？唔好乱讲嘢！－＿－｜｜
candybaby 发表于03:20:43 | 阅读全文 | 评论 (0) | 引用 (Trackback 0) | 编辑 2006-04-14
Recently............TAG： 最近都无乜MOOD写BLOG,所以觉得对唔住观众 其实最近发生咗好多事,但系都无时间兼无心情写底,唉,越来越懒啦 有好多相想帖上来同大家分享下嘎,不过个烂鬼校园网实在太出色,慢到上传唔到,我晕 两个星期之前,我有晚发梦,然后成身郁唔到,叫又叫唔出声,我怀疑自己比鬼"扎" 好恐怖啊,个梦并唔系恶梦,但系就梦中有梦,总之可怕就系啦,虽然平时唔信哩D嘢,BUT最近系清明啊,而且学校离银河园同火葬场好近,难免会有D惊惊.之后就戴咗串阿嫲比我嘅开过光嘅珠链,戴咗个心定D. 自从果晚之后硬系觉得自己厄运连连. 上个星期四响图书馆借完书出来,老师将书过完机就会摆出外面个柜台,我就行出去外面准备拿书,点知我都为反应过来,D书已经被人拿走咗,而且无影无踪.我怀疑果个人系有意拿走我D书,如果系拿错书嘅话,一般人都会马上拿翻图书馆,而且我地学校D人好淳朴,就算你响课室漏低图书馆嘅书,其他人都会好好人咁帮你拿去图书馆直接还咗佢.今铺摆明有预谋.而且果个人仲响第二日几乎同一时间拿翻其中一本书去还(我地学校图书馆系24小时之后先可以还书),另一本就到今个星期都未还,奇怪奇怪奇怪啊~~~~~~~!!!!!仲唔系有心?最弊嘅系个借书证系我同学嘅,于是一场追书行动就此展开,图书馆老师话第一次发生哩D事,晕S啦!当然啦,到今日,算系告一段落,但系书就揾唔翻啦,卡就补翻来兼老师唔需要我负责任(老师仲特别开恩免费补办借书证添,图书馆D老师都好好人啊!!!由COUNTER老师到办证老师,再到业务部主任老师都好和蔼啊,赞一个~!) 响哩度顺便赞下学校个图书馆,书嘅更新速度同书店有得挥,而且好多书店热卖嘅书基本上都有,太正啦!!我就最中意借旅游书同全书用铜版纸印刷嘅全彩图书,真系正,又够贵,我又卖唔起,最重要嘅系睇一次就唔会睇第二次果D就最0岩我啦,呵呵呵呵呵~~~~~!!!!!!! 上个星期六返咗乡下拜山,我乡下响好远,接近湛江嘎啦,坐车要5粒钟,坐到我PETPET痛啊.仲有即日来回果下先够梛命.咁大个女系第二次返乡下咋,第一次系是年前.果时读小学四年级.咁快就十年啦,光阴似箭啊,再LOOK下自己个猫样,岁月不饶人啊.55555555555555555~~~~~~~~~~`~~~ 今次跟大人们返去霖住做个孝子贤孙啦,点知我果然系个孝顺女啊,帮嫲嫲准备金银衣纸,忘记咗当时系烈日当空,仲要系中午12点果只.最重要系果度D阳光同广州唔同啊,纬度低咗,近海地区,阳光紧系特别劲啦.拜完四位祖先大人,之后我仲为意识到自己已经晒伤咗,后来去到市区拜完神,比香炉灰弹亲先发现自己两只手臂红到好似刚刚"录"熟咗咁,之后响车上边搽咗三次老虎膏(即系万金油)都系挽救唔到,唉唉~~~~~~~~~今个星期我日日都着住见长袖衫,要知道今个星期前三日都系热到成31度.我唔敢除件长袖衫,费事令人误会我患咗绝症,晕~! 到咗今日,两只手臂已经逐渐变黑啦,我最惊惊嘅是发生咗,要白翻唔系咁容易,错,应该系好难,最搞笑嘅系左手有个手表印,死啦死啦.希望THE FACE SHOP嘅WHITE TREE可以帮到我啦.天啊,好歹我也是个孝顺的小孩,您怎么就不可怜我呢?(SORRY,转咗CHANNEL添) 从寻日开始,天气变冻,算系个天可怜我,比我着遮丑嘅机会,点知又到宿舍无煤气,哈哈哈哈,真是搞笑啊.(我地果栋宿舍贵D,系有热水器同空调,所以煤气必不可少).寻晚几度啊?十几啊,我开完会翻去,室友话,无煤气啊,连煤气站都无煤气啊,我晕啊~!于是我好勇咁话:冲冻水啰~!好彩冲完之后无不良反应,未死得.我系果种夏天都要冲暖水嘅人,你话我寻晚有几勇?!GOD~!两个星期就可以比你玩残.星期三本来要做礼仪,不过我只手咁嘅款点做啊?吓亲人就死啦.于是就叫咗个师妹顶我,唔做礼仪都几好,唔使化完状又落妆,对皮肤伤害好大嘎. 我两个星期嘅黑仔嘢大概系咁多啦,有人话:人有三衰六旺.依家三衰完啦,六旺好来啦~!~!是不是要经常去拜拜才行呢?其实我不大相信,不过好邪啊~~~~~~~~ 还是怕怕哦~~~5555555555~~~~~~~~~~ 有关嘢相片得闲就贴出来,多谢收睇 candybaby 发表于21:53:32 | 阅读全文 | 评论 (0) | 引用 (Trackback 0) | 编辑 2006-04-04
今晚好攰............TAG： 今晚体育节闭幕兼体育知识问答比赛 我比队长掹咗去做礼仪小姐 前排由于冻,我地就着冬装礼仪服,果套衫系好似美少女战士咁,不过就全套粉色姐,属于行可爱路线啦,不过院里面嘅同学见到哩套衫就好似唔系太中意,觉得好弱智兼好核凸,我觉得还好啦. 最近又热翻啦,SO今晚着嘅系夏装,即系旗袍.有金色同红色两种,着咗上身就好有一种减肥的冲动,我要减肥~~~~~~~~~~~!!!!!!!!!!!!!!!!!!!! 其实礼仪队一向响学校里面好大争议,BBS有个帖话我地又丑又矮,阿指导老师知道之后大受打击,仲当场喊添,唉,我明嘎,大家都为哩个队出咗好多力,而我地哩批新队员系老师筛选咗六次净低嘅,而且每次做礼仪都要企好耐,系着住对高跟鞋企啊,以前我地仲未有冬装就只可以响冻天着住件凉爽嘅旗袍吃西北风,所以我地系好辛苦嘎,希望各位同学可以体谅我地啦. candybaby 发表于23:06:13 | 阅读全文 | 评论 (0) | 引用 (Trackback 0) | 编辑 2006-04-01
今日见到一堆既可爱又可怜嘅动物TAG： 今朝坐车返学校考试，就快返到天河客运站嘅时候突然塞车（果度咁鬼乱，唔塞就怪）车逼于无耐停咗落来，我习惯性地望出车窗外，见到有一载住一大笼家禽嘅开摩托的叔叔．果笼嘢一共有四层(令我霖起TCP/IP嘅四层模型,如果有七层咁咪变咗ISO/OSI七层模型结构啰~！晕~~！),最上边一层系鸡,第二层系黑鬃鹅,第三层系大白鸭,最下边系白鸽.估唔到哩四样嘢响同一时间居然表现出唔同嘅情绪. 先讲讲鸡,佢伸咗个别头出去,但系就"呆若木鸡"(学咗哩个成语咁耐,终于都知道乜意思啦).D黑鬃鹅表现得非常淡定喔,仲不时挠挠痕,完全感觉唔到自己去紧刑场.再来讲讲大白鸭啦,佢地都非常紧张,全部都伸长个头狂叫,好似知道自己果头近咁.最后讲下白鸽,佢地表现比较正常,无乜特别,不过都有D发呆现象.我觉得哩个现象好得意，其实就同人差唔多，每个人面对同一个状况都有唔同嘅态度。 仲有，最后祝各位愚人节快乐~！你今天被愚了吗？呵呵 candybaby 发表于20:07:36 | 阅读全文 | 评论 (1) | 引用 (Trackback 0) | 编辑 2006-03-25
好歌推介TAG：本周劲歌推介 好耐都无写过嘢啦，时间隔得太长，就好容易无MOOD 今日就向大家推荐几只歌仔啦 NO。1 《绝》 傅佩嘉 系一个叫JACKY嘅网友QQ签名里面介绍嘅。开头听起身觉得无乜特别，但系听得多就觉得好好听，好有FEEL。我个室友话哩首歌好耐嘎啦，当佢读紧初中嘅时候就十分喜爱哩首歌。今日终于同哩首歌有缘啦，因为好听，所以推荐。 宁愿滞留在此处 http://user.kiniko.net/cutiehoikei/material/maggie.mp3 NO。2 《原来》 林俊杰 最近真系劲中意听佢D歌，新专辑《曹操》D歌好正，之前介绍过《熟能生巧》。林俊杰同JAY都系创作歌手，佢地嘅歌我都中意，JAY比林俊杰更有音乐天份，而林俊杰嘅唱功同声线比JAY要出色（PS：有时觉得周董用他那种闭口唱歌的方法真的有问题） 街灯绊住我眼前 http://bye2001.nease.net/ising/5.mp3 NO。3 《사랑해요》 (又名:只对你说) 林俊杰 依然系林俊杰嘅新歌，哩首个我个人认为系作比果个绯闻女友YUMI嘅，YUMI系读韩文嘅，SO我觉得哩首歌同佢有好多关系，是我太多心了吗？（PS：以上纯属个人推测，不代表林俊杰本人，>_<） 站在寂寞的舞台上 NO。4 《ENDLESS STORY》 伊藤由奈 睇过《NANA》电影版都听过哩首动人嘅歌，歌手REIRA把声好正，而且睇佢个样好似系混血儿，难怪歌入面D英文歌词会发音咁准。哩首歌真系好听，唔使讲嘢，听~~~！ if you haven't change your mind http://www.makeitlastforever.com/music/endlessstory.mp3 以上所有LINK来自好有前途嘅BAIDU candybaby 发表于01:40:35 | 阅读全文 | 评论 (2) | 引用 (Trackback 0) | 编辑 2006-03-19
＂春色满院＂第二辑TAG： 今次贴嘅系唔知乜花，佢好似薰衣草咁，不过绝对唔系啦 开咗好耐花啦，依家仲长紧啊 好靓好中意佢，每日经过佢地身边都会同佢地打招呼嘎，哈哈
candybaby 发表于22:25:05 | 阅读全文 | 评论 (0) | 引用 (Trackback 0) | 编辑 2006-03-10
今日系最后一次干部培训TAG：五山校区 终于到咗最后一次啦，干部培训专拣星期五晚，搞到我好夜先翻屋企，有次仲要转地铁，翻到屋企就快十一点． 今晚系李书记做主讲，讲咗好多关于新校区嘅嘢，亦都答咗好多问题，佢个人几ＮＩＣＥ． 新校区其实系广工嘅五山校区，话系教育局无偿拨比我地学校，仲话我地学校系响交换资源方面得益嘅第一间高校（真的吗？）ＢＵＴ据闻，五山校区除咗栋１４层高嘅教学大楼比较新净之外，其他都好残旧，我晕．宿舍仲会好差，要考虑下走读先．宿舍由山脚到山顶，听讲信息系就住山脚，最差果度啊，真识益我地啊． 以后华工就同我地一墙之隔，老师话华工知道我地学校会进驻果度好开心，因为我地学校最多嘅就系女生，哇哈哈哈哈哈，以后大家多Ｄ联谊，我相信我地学校Ｄ女生都好开心．因为我见佢地响学校个ＢＢＳ表达出佢地对男生嘅饥渴，晕Ｓ了．不过表现得最饥渴果部分同学无得搬去五山，笑死我啦，咔咔咔咔咔．．． 九月份就过去啦，相信不久之后果栋１４层大楼上嘅"广东工业大学"就会变成"广东外语艺术职业学院"啦. candybaby 发表于23:49:25 | 阅读全文 | 评论 (0) | 引用 (Trackback 0) | 编辑 2006-03-09
由今日开始＂春色满院＂图片展TAG： 首先打响头炮嘅系图书馆后嘅长廊嘅花，影得肉酸咗Ｄ，因为系阴天仲要接近傍晚影，而且系用手机影，大家将就下啦
好中意哩度Ｄ花，而且环境唔错，平时无乜人．来两张近镜
candybaby 发表于21:51:43 | 阅读全文 | 评论 (0) | 引用 (Trackback 0) | 编辑 2006-03-09
做功课TAG： 好攰啊! 全室人都训晒啦,得我一个人做紧网络操作系统老师布置嘅作业(其他人抄我),全抄,仲要无教材,要望住电脑,双眼好痛啊,本来今日已经有D透支嘅感觉,依家已经透支咗50%啦,听日仲要继续自修计划嘎,要坚持,唔可以输比佢地.BAXIA~! 开咗学之后响学校都未试过超过一点训嘎,今晚终于试咗啦,真系好攰啊~!中午上头又揾我,下属又揾我,就响我差D熟睡嘅时候,手机就不断震动,好无奈. 从今个星期开始,应用写作又变翻必修课,搞到我都要上,无咗两节自修课,果然语文老师都系无聊嘅.毛泽东思想老师几有趣,听讲佢夏天会以夏威夷LOOK出现,哈哈,好期待啊. 训咯训咯,顶唔顺啦. candybaby 发表于00:56:44 | 阅读全文 | 评论 (0) | 引用 (Trackback 0) | 编辑 分页共6页 第一页 上一页 1 2 3 4 5 6 下一页 最后一页 |
 |
