"也许爱情就是熟能生巧......"

来自林俊杰最新专辑《曹操》的第四首歌：《熟能生巧》

本周重点推荐！！

寻日走咗去剪头发，以前一直都唔舍得剪，长度就快到腰啦，今次系咁大个女以来留得最长嘅一次．本来想响过年之前电个陶瓷烫，但系最后都系无咁嘅勇气，始终直发比较适合我个包包面，而且电挛咗之后会老好多，我唔想行出街比人叫阿姨啊，我个同学就系响电咗发之后比个外省人叫阿姨，激死佢啦，哈哈．不过外省人系ＯＵＴ　Ｄ嘎啦，ＡＮＹＷＡＹ保持直发比较好．

既然唔电发就剪咗佢啰，当然剪成短发一定唔舍得啦，所以只剪到肩背位，估计都最少剪咗１０公分，有Ｄ心痛添．ＢＵＴ我Ｄ头发长得快，而且又日日洗头，太长头发唔方便．于是经过十几分钟，变形成功，短咗．临去剪头发果阵，阿妈千叮万嘱要剪短Ｄ，唔好剪咗好似无剪咁，因为次次都唔舍得剪太多，阿妈就话我无剪咁，今次如佢所愿，无咗１０ＣＭ．肉赤啊～～～～～～

剪咗之后又几舒服嘎喔，吹干个头都零舍快过人

每次有勇气剪头发都系因为霖起祝英台嘅哩句话：剪咗咪再留过啰～！

久违了的太阳,  안녕하세요~!

사랑해요!

我承认狮子座的人是很需要阳光的

近来,太阳一直在玩失踪,我感到很辛苦,为此颓废了很久.

太阳什么时候才能回来?  T_T

现在能做好朋友的EX-BF and  EX-GF两人,要么就从前两人没有认真过,要么就是其中一个人在努力地维持.

我觉得他是头一种情况,而我是后一种.

希望能有第三种状况.但暂时都未被发现与证实.

今晚8点,几个F约咗我去万国M记

原因系上次我同一个F倾电话嘅时候,我喊得好犀利,为咗我地嘅友情.

我系一个几外向嘅人,有几多朋友.

高中同学有两班朋友,但系佢地都系倾唔埋.我夹响中间几尴尬同埋几为难.就好似上次我生日,佢地都一齐同我庆祝生日,不过两班人依然系好似唔识咁,我坐响中间,佢地一边一班人,一边就锄大地,一边就唱K,我好惊会忽略佢地任何一边.

其中有一边有个女仔叫A,高一时同我好F,但系到高二就连同另一个F突然疏远我,到高三嘅时候写信向我道歉,话因为嫉妒我成绩好.之后我见佢咁有诚意,就原谅咗佢,响高三暑假我仲同佢好似以前咁F.

今个假期终于都出事啦,自从被A抛弃之后就同我做咗F嘅果班女仔对我颇有微言,觉得我同佢地疏远咗.力嘅作用系相互嘅.我都觉得啰,我系果种中意坐响屋企比人约,唔中意主动约人嘅人.而A果班人就经常约我,我无事做就当然好多时都会同佢地出去.另外一班人就都系被动型,我唔约佢地,佢地就觉得我疏远咗.其实都系大家一场误会姐.

狮子座系唔系真系有咁大气量去原谅曾经伤害过佢嘅人呢?至少我系其中一个,居然可以当完全无事发生去接受翻伤害我嘅人.我都好佩服自己.

小学果阵,因为一个朋友唔可以被我其他嘅朋友接受,我喊,好希望其他朋友一样当佢好朋友.

初中果阵,一个本来好F嘅同学因为经常闹我,令我不得不离开佢,之后佢都反省咗,我地做翻朋友,但系心入面始终有条刺.另外一个将我当成情敌嘅人,我地一直都不和,但系响就快毕业嘅时候我好慷慨咁比佢写同学录,佢话我好大方.反而我中意嘅人一只字都无留低比我.

高中时候咪就系哩位A同学啰.

大学,上个学期发生嘅,因为几个广州嘅女仔搬埋一齐住之后,同我好F嘅同另外一个女仔更F,我有被疏远嘅感觉,不过我觉得系我自己有问题,首先我成日顾住学生会D事而好少留响宿舍同佢地倾计,其次我性格太直.ANYWAY,F始终都系F,依家已经越来越无所谓啦,只要每日都开开心心,有讲有笑咁生活就OK啦.

哩D就系女人嘅友情,既幼稚又可笑.

经历咗咁多,我怀疑自己人品有问题,所以好多嘢都选择沉默.

今日剪头发果阵,个DESIGNER问我:你一直都是这么严肃的吗?

呵呵,哩个时候我先醒起,我已经严肃咗好耐,无咗笑容好耐.好似系从高中就开始忧郁.无错,系从高中,身边嘅朋友话我唔出声.

嗯嗯,揾紧一种甜美嘅疗伤方法,就好似金三顺咁.

May be never look back is a better choice...

上月MINA星座话狮子座响2月20号会被喜欢嘅男生告白

到咗2月20号,根本就无D咁嘅事发生

哇哈哈哈哈,因为根本就无喜欢嘅男生又点会有告白呢?

今个月狮子座总体运得两粒星,运势低落啊.

本人无任何信仰,一直都在信自己,不过星座有时都几准嘎,唔多唔少都信D.

依家无论系暗恋,明恋,热恋中都系幸福嘅.至少你问自己中意WHO嘅时候你可以完全唔使扼自己,完整地给自己一个答案,就算得唔到,心中有哩个人都系好幸福嘅.

明恋嘅人,更幸福,至少有勇气去追求,去话比佢听,你爱佢,即使佢REFUSE咗,都会幸福,因为佢知道你爱佢.

热恋嘅就更加唔使讲啦,两个人闹下交,耍下花枪,会更幸福.

无中意嘅人心里面会好空虚,无幸福可言,爱嘅人就剩翻自己,甚至连自己都唔爱,哩种人好可怜.

GENERAL SPEAKING,有中意嘅人比无要好好多,幸福好多.

珍惜爱嘅感觉,无论边种状态,EXCEPT最后一种,都系幸福嘅人.

今晚吃饭嘅时候,婆婆话我唔比心机读书,唔努力,净系顾去街,唔睇书.佢讲下讲下我就喊啦,仲喊得好犀利,好耐都未试过响屋企人面前喊得咁一塌糊涂.(依家又想喊啦,唉~真系唔争气)  人越大,越眼浅.可能系抑郁得太耐.

喊,系因为自己努力咗,人地睇唔到,觉得好委屈,十万分嘅委屈.其实好小事姐,我真系好无用.我知道我读书唔够表妹好,但系我有努力,不过个人能力唔同,学所有嘢都好后知后觉,甚至初中学嘅嘢,到高中嘅时候先完全明白,用蠢来形容我系最好不过.

好羡慕果D从小学开始学习就好好嘅女仔,一直到大学,到研究生,都可以轻易考过,个样几靓,有个从高中开始就对佢好好嘅男朋友.咁样嘅人在重点学校应该有唔少.(上个学期有两个女研究生来我地系应聘,老师们问佢地有无开发过乜软件,佢地话无;老师们继续问佢地用乜编程工具,佢地话用TURBO C.狂晕中,用TURBO C居然可以读到研究生,羡慕死.真系连中专生都不如.)

好遗憾高考考唔入大学城,考唔入果间从选咗生物之后就以佢为目标嘅广东药学院.高考考唔到,即系一世都无机会再考去果度,药剂师嘅梦想要留翻比下一世去实现(如果有下一世嘅话)阿妈话:我唔中意大学城,周围无围墙,又荒芜,又远,唔好!我知道阿妈系安慰我.

网络技术,目前算系好揾食嘅专业,如果系响广工或者华工读哩个专业一定前途无可限量,但系响一间以外语同艺术为重点嘅学校,又点会有前途呢?讲比人听都觉得好笑.老师学历系几好,不过唔识教人,学校长期歧视信息技术系,我地又点会有发展嘅余地?

我依家日日都好努力咁预习,复习,我抛弃咗果D可以"养精蓄锐"嘅时间去读书,真系哑巴吃黄莲,有苦自己知.坚持咗三日,以我嘅性格应该开始坚持唔落去嘎啦,不过要相信依个世界有MIRACLE发生,至少我相信.

坚持,坚定,坚信.

BAXIA~!

今日系第三个早上去自修，可以坚持到，好开心，人地话２８日可以养成一个习惯，依家睇来唔使咁耐．

星期五嘅课最正，得两节，上完就紧系即刻走人啦，翻到屋企见到阿妈好开心啊，哈哈哈哈～～～～于是我就变成一只树熊，死揽住阿妈，呵呵．

今日坐车翻屋企嘅时候，去到燕塘站，见到经常会响果度出现嘅一位流浪嘅老人，点解我会认得佢呢？咁系因为佢仲带住佢嘅爱狗一齐去乞讨，所以我对佢嘅印象好深．见到哩个场面，我好感动，老人要乞钱养自己嘅同时仲要分Ｄ比狗狗，除咗佢之外我未见过其他乞讨人员随身携带宠物乞讨．只狗狗系普通嘅土狗，佢睇上去比一般嘅狗要瘦，但系并非好瘦好瘦，可以睇得出，主人对佢还是不错的．

下年就毕业啦，但系我一Ｄ都唔想揾嘢做，咁就惟有比心机读书，继续做学生，ＢＡＸＩＡ～！