最近都无MOOD写嘢，无晒灵感，可能系因为太“早”训嘅原因

仲有四日就进入狗年啦，其实响差唔多十二月底先知道原来2006年系狗狗年，最近几年都完全唔记今年系乜年，真失败。

讲起狗年，我就会唸起我人生中嘅第一只狗狗：LUCKY仔。

佢系只好勇敢嘅小狗，刚刚买翻来嘅时候只系训响一只月饼盒里面，好鬼CUTIE。LUCKY仔系我爸爸响清平市场用100蚊买翻来嘅，只值100蚊嘅狗仔自然唔系乜名种狗啦，系只杂种狗，不过佢个样生得好可爱嘎，我好好好好好……好中意佢。LUCKY仔仲系BB嘅时候完全唔吠，响养佢嘅半年间佢都极少吠，系有时做咗D好蠢嘅事想会叫。LUCKY仔好勇敢，佢细个嘅时候曾经患过皮肤病，我地全家带佢去睇病，兽医帮佢打针嘅时候，佢只系“嗚”咗一声就无事啦。仲有一次系爸爸妈妈带佢落街散步，佢过马路嘅时候比部单车车亲只手，爸爸妈妈以为佢只手断咗，点知第二日又好正常咁又跑又跳。不过经过果次“车祸”之后，LUCKY仔好惊单车（童年阴影），之后佢听到单车声就拿拿声走，其实部单车仲系几十米远，真系晕S。

LUCKY仔嘅搞笑嘢：

1。爸爸妈妈好中意带LUCKY仔去散步，某次带佢去滨江散步嘅时候，个衰仔居然行行下揽住爸爸只脚，唔肯行，要人抱。虽然我见唔到哩一幕，但想象下都可以得出果个可爱嘅画面。

2。为咗去揾翻个碌咗入柜底嘅兵乓BALL，佢就将个头伸入柜底，点只想出翻来嘅时候，个头卡住响柜底，吓到佢叫，哈哈哈，真系蠢狗

3。LUCKY好中意跑，我地全家人都怀疑佢有跑狗嘅血统，佢跑起来可能仲快过澳门D赛狗，话说有一日，佢又发晒癫咁响屋企四围跑，点知地下太滑，入唔到弯，AND THEN 佢个可爱嘅PETPET就“砰”一声撞咗落张沙发度，跟住就紧系发出痛苦嘅叫声啦，呵呵。

4。LUCKY仔细个唔乖，爸爸好严厉咁对佢，拿条鞭来恐吓佢，我爸爸都未打落去，LUCKY就马上发出“呜。。呜。。”嘅声音，真搞笑。其实佢哩点几似我嘎，我细个果时成日比爸爸妈妈打，佢地未打我就喊定先，然后就话“我下次唔咁啦~~~~~~~~~~！”佢地就话“仲有下次？”然后仲系要打一身 -_-||

CUTIE版

长颈鹿版