凌晨,睇咗<恶作剧之吻>嘅第十八集,今集系讲湘琴打算对直树死心,接受明恋咗佢5年嘅阿金.而湘琴亦都中意咗直树5年,佢一直穷追不舍,终于直树中意咗湘琴,但系直树面对佢爸爸嘅公司运作资金出现问题,佢打算将自己"卖"比大财团,做人地嘅孙女婿,以此来救公司.另一方面,对于湘琴嘅离开,佢亦表示万分嘅不舍,无奈现实系残酷嘅.阿金系湘琴爸爸嘅徒弟,湘琴同阿金结婚同样系一举两得,既可以比阿金名正言顺咁继承幸福小馆,又可以令湘琴有个好归宿.

但系,千祈唔好唔记得,湘琴同直树先系主角,无论阿金如何努力都无法得到湘琴,响戏嘅最后有<恶作剧之吻>嘅精华版,到最后主角们都系可以好似王子同公主幸福地生活落去.只留底好可怜嘅配角,一直流住眼泪将自己所爱让比人,所以哩篇嘢系哀悼阿金对湘琴5年嘅感情,5年啦,系时候要有个终结,总要有个最后结果,结果系阿金你输咗,作者始终比较中意男主角,无论你有几咁中意湘琴,佢始终都唔会属于你.

以前,睇<恶作剧之吻>嘅眼泪系为湘琴而流,但系今晚系为阿金哩位落败者但又比直树更中意湘琴嘅人兄而流嘅,对,"提得起放得下才有男人的味道",你一定会遇到一个比湘琴更爱你嘅人.

5年,就系咁过咗啦,系时候有个嘅开始,期待着来年嘅阳光.