今日约咗高中嘅同学去北京路花街

人过咗20岁系唔系人生观会改变呢?觉得行花街越来越闷,不过形式上都要去下嘅,话晒都一年一度,去凑下热闹都好.

今年北京路嘅花街减少咗工艺品嘅档口,无咗惠福路果段.工艺品档卖嘅嘢普遍无特色,全部都系一德路货,卖出来个价就贵几倍,随便睇下好啦,无乜好买.

我地用咗20分钟行完工艺品档就无继续行啦,大家商量话去睇戏喔,于是就睇咗<春田花花同学会>(PS:睇戏首选市一宫,市一宫首选唔系榕泉,而系奥斯卡厅,果度睇类似<后天>哩类戏就系一流啦!)

春田花花同学会秉承麦兜故仔嘅无厘头与搞笑,但系我想话,睇完佢你应该会领悟到D嘢,唔好睇完就算,得啖笑第二日就FORGET咗.张戏飞大拿拿15蚊嘎,点都要有所得.我班同学仔最大收益就系果句:"你-D-大-便-点-啊?"

我就觉得,麦兜嘅戏入面埋藏咗好多关于HK草根阶层嘅文化,就连茶餐厅都大有学问.戏入面亦讲到巨多大学毕业生涌到社会,卤水店装饭果个都系哈佛大学毕业.

仲有,响哩出戏度终于觉得超级"男"声周笔畅似翻个女仔,不过佢好似好坚持梧着裙喔.

以上

行咗成日街无头无脑只脚好痛嘅接近无限透明嘅人