寻日走咗去剪头发，以前一直都唔舍得剪，长度就快到腰啦，今次系咁大个女以来留得最长嘅一次．本来想响过年之前电个陶瓷烫，但系最后都系无咁嘅勇气，始终直发比较适合我个包包面，而且电挛咗之后会老好多，我唔想行出街比人叫阿姨啊，我个同学就系响电咗发之后比个外省人叫阿姨，激死佢啦，哈哈．不过外省人系ＯＵＴ　Ｄ嘎啦，ＡＮＹＷＡＹ保持直发比较好．

既然唔电发就剪咗佢啰，当然剪成短发一定唔舍得啦，所以只剪到肩背位，估计都最少剪咗１０公分，有Ｄ心痛添．ＢＵＴ我Ｄ头发长得快，而且又日日洗头，太长头发唔方便．于是经过十几分钟，变形成功，短咗．临去剪头发果阵，阿妈千叮万嘱要剪短Ｄ，唔好剪咗好似无剪咁，因为次次都唔舍得剪太多，阿妈就话我无剪咁，今次如佢所愿，无咗１０ＣＭ．肉赤啊～～～～～～

剪咗之后又几舒服嘎喔，吹干个头都零舍快过人

每次有勇气剪头发都系因为霖起祝英台嘅哩句话：剪咗咪再留过啰～！