忍咗佢好耐～！

真系相见好，同住难！

今晚要用Ｅ－ＭＡＩＬ交功课，但系全宿舍得我一个有上网，于是就全部人都用我台机交．众所周知校园网出咗名慢嘎啦，我下床个女人就一路用我部电脑，一路讲："唉，校园网真系慢啊，交咁多钱仲要咁慢．我家姐间学校啊,个校园网都不知几快啊!" 你咁掂，自己包条ＡＤ网线啰，唔好求我个烂鬼校园网！！！

真系把几火～！都未见过Ｄ咁嘅人，响用紧人地嘢嘅时候半句多谢都无，仲要咁样话人，抵佢由五中考来哩间学校，怕且佢都系全级倒数果几个，无嘢嘅，无非系态度问题．

要睇韩剧果阵就识同我讲话要睇韩剧，等我仲鬼咁好心下载埋比佢睇．

睇韩剧果阵又话，我都话液晶显示器唔好嘎啦，座"咩"Ｄ都睇唔清．

乜你见过NOTEBOOK系装普通显示器嘎咩?好似你果个咁啊?二手嘢,仲系度扮晒嘢咁.乜都系你果D最好,人地果D最衰,从来都净系识得揾人地着数,上数学课就连书都唔买,霖住去图书馆借,点知无得借,下一步就系借我地本书去复印啰,自己屋企又唔系穷,又话自己果条村一年有几多钱分,车,缩骨遮~!抵佢啊,住响大学城对面都无得读大学城,真系悲哀啊.读过五中都不过如此,话自己D老师点衰点衰,到最后害嘅都系自己.呵呵!!

以前住隔离房果阵又话自己房D人点衰,话完人衰又要人地部脑DOWN韩剧比佢睇,又同以前室友不和,嬲晒全室人,依家住落先知原来系佢人品有问题!佢又唔系独生子女,但系都会咁鬼野蛮,都系第一次见.

好啦,下个学期搬去五山校区话要走读,以后都唔使见到佢啦,太好啦~!

比面宿舍其他人,我继续忍你,不过唔排除边日我忍唔住就会同你开片~!

发泄完,舒服晒!!YEAH~!~!