时间:2006-02-11 晚上八点

地点:海猪广场堂会R940房

详情:今晚见到咁多初中同学仔,好开心啊.个个都变咗好多啊,有D就成个BOSS咁,有D就变得好鬼索..........

到场嘅连家属一共有19人,真正系同学仔嘅就有17人,我地果间系中房来嘎,限定人数系8人,我地一半有突啦.原先以为得10 个左右,点知越来越多人,搞到间房爆晒.真系好热好热啊,因为好旺人气,空调开到得五度,但我地嘅室内温度依然维持响27度.

基本上我地分为三堆进行HAPPY HOUR.一堆就狂吹水,另一堆就狂玩"息"盅（唔系读ＳＨＡＩ咩？查唔到嘅？）最后一堆就系狂唱Ｋ．我就当然系最后一堆啦，今晚发现自己好耐无唱Ｋ，差咗好多，而且咁多同学仔，某人都在场啊，有Ｄ紧张，哈哈．

响堂会吹咗两个钟原本打算散啦，有人又提出去南丰（现广百）后面吃宵夜喔，于是一群人又去咗吃嘢啦．今次就只剩翻十个人，不过仲好啊，大家边吃嘢，边吹水，仲有阵阵凉风送爽（唔方唔爽啦，原本以为自己着错衫，点知原来夜晚咁冻嘅，好彩着咗件厚嘅，提醒各位夜晚出外蒲，特别系坐街边嘅，一定要多加衣服！！）我地都未开始吃嘢，就有城管过来ＣＨＥＣＫ啦，真系好搞笑，吃咗咁多次宵夜，第一次见到城管，应该系话我好彩定系唔好彩呢？不过城管都无话要老板收档，而系要佢地摆入Ｄ就算．我怀疑其中有诈～！（此句为普通话）城管可能收舵地，唔系点解唔拆佢档呢？话知佢，吃完就闪．吃宵夜其间，大家会问最近有无见到边个边个啊？有无咩八挂嘢啊，呵呵，同学聚会就系咁嘎啦，大家互相八挂下其他人嘅近况，唔通好似春田花花同学会咁唱校歌咩．

计划：约住下次ＢＢＱ先～！

ＰＳ：好奇怪，某人响高中时期系我地约极都唔会出现嘅，点解上咗大学就咁顺摊呢？